काठमाण्डू, ५ फागुनः प्रधानमन्त्री केपी शर्मा ओली भारतके ओडिसास्थित कलिंग इन्स्टिच्युट अफ इंडस्ट्रियल टेक्नोलॉजी (केआइआइटी) विश्वविद्यालयके होस्टलमे एक नेपाली छात्राके मृत्यु भेल घटनापर सरकार कूटनीतिक रूपसँ काज क रहल बताैलैन अइछ।
प्रधानमन्त्री ओली आइ सामाजिक सञ्जाल मार्फत एहि विषयपर प्रतिक्रिया देने छैथ। ओ फेसबुकमे लिखने छैथ, “भारतक ओडिसास्थित कलिंग इन्स्टिच्युट अफ इंडस्ट्रियल टेक्नोलॉजी (केआइआइटी) विश्वविद्यालयक होस्टलमे एक नेपाली छात्राक मृत्यु भेल आ नेपाली विद्यार्थीसभकेँ जबरदस्ती होस्टलसँ निकालल गेल, एकर जानकारी संचारमाध्यम आ सामाजिक सञ्जाल मार्फत भेटल अइछ। एहि विषयपर सरकार कूटनीतिक रूपसँ सक्रियता देखा रहल अइछ।” उक्त विश्वविद्यालयमे अध्ययनरत नेपाली विद्यार्थी प्रकृति लम्सालक मृत्यु भेल छल।
