जनकपुरधाम, १ अखार – मधेश प्रदेश सरकार आर्थिक वर्ष २०८२/८३ क लेल कुल ४६ अर्ब ५८ करोड ३३ लाख ५१ हजार टकाक बजेट सार्वजनिक केलक अछि। एहि बजटमे प्रदेशक आन्तरिक स्रोत, संघीय सरकारसँ प्राप्त अनुदान आ विभिन्न माध्यमसँ जुटायल राशि समावेश कएल गेल अइछ।

खर्चक बाँटफाँट :

बजटक ३५.८९ प्रतिशत (१६ अर्ब ७२ करोड ५ लाख) चालू खर्चक लागि आर ६४.११ प्रतिशत (३० अर्ब २६ करोड २८ लाख) पुँजीगत खर्चक लागि छुट्याओल गेल अछि। चालू आर्थिक वर्षक तुलनामे ई बजट ६.१३ प्रतिशत बेसी अइछ।

स्रोत व्यवस्थापन :

• आन्तरिक राजस्व – ९ अर्ब ५० करोड ८३ लाख

• वित्तीय समानीकरण अनुदान – ७ अर्ब ७२ करोड १९ लाख

• सशर्त अनुदान – ४ अर्ब २६ करोड १८ लाख

• विशेष अनुदान – ३९ करोड ४५ लाख

• समपूरक अनुदान – ३५ करोड ८२ लाख

• संघीय राजस्व बाँटफाँट – १२ अर्ब ३४ करोड ४५ लाख

• गत वर्षक मौज्दात – १० अर्ब ३८ करोड २ लाख ५१ हजार

• आन्तरिक ऋण – २ अर्ब

मंत्रालय अनुसार बजटक बाँटफाँट :

• भौतिक पूर्वाधार विकास – १५ अर्ब ८८ करोड

• स्वास्थ्य तथा जनसंख्या – ६ अर्ब ४५ करोड

• ऊर्जा, सिंचाई आ खानेपानी – ४ अर्ब ४१ करोड

• शिक्षा तथा संस्कृति – ३ अर्ब ५७ करोड

• उद्योग, वाणिज्य आ पर्यटन – ३ अर्ब ८ करोड

• कृषि आ पशुपालन – २ अर्ब ८३ करोड

• वन तथा वातावरण – २ अर्ब ३७ करोड

• खेलकुद आ सामाजिक कल्याण – १ अर्ब ६८ करोड

• गृह, सञ्चार आ कानुन – ६४ करोड ८९ लाख

• श्रम तथा यातायात – ५७ करोड १४ लाख

बजटक प्राथमिकता पूर्वाधार, स्वास्थ्य, शिक्षा, कृषि आर पर्यटन जेकाँ क्षेत्रसभमे देल गेल अछि। बजेटसँ विकास आ सेवा प्रवाहमे संतुलन कायम करबाक, वित्तीय अनुशासन बनाबबाक आर स्रोतसभक प्रभावकारी प्रयोग करबाक अपेक्षा सरकार कऽ रहल अइछ।