विराटनगर, २ चैत: कोशी प्रदेशक मुख्यमन्त्री हिक्मतकुमार कार्की टिकाउ विकास लेल ठोस पूर्वाधार नीति आवश्यक भेल बतौलैन अइछ ।
मुख्यमन्त्री तथा मन्त्रिपरिषद् कार्यालयमे आयोजित पूर्वाधार नीति तर्जुमा कार्यक्रममे संबोधन करैत ओ कहलैन जे नीति बना क काज कएलासँ योजना आयोगक आवधिक योजना आ सरकारक वार्षिक कार्यक्रमसभ बीच समन्वय स्थापित हएत , जाहिसँ विकाशकेँ सही दिशामे आगाँ बढ़ेबाक सुविधा भेटत।  ओ कहलैन, “हमर आवधिक योजना आ नीति एक दिस, आ सरकारक वार्षिक नीति एवम् कार्यक्रम दोसर दिस रहैत अइछ, एहि कारण एकरा समन्वयमे अनबाक आवश्यकता अइछ।”
मुख्यमन्त्री कार्की जलवायु परिवर्तनक असरकेँ धीयानमे राखैत पूर्वाधार नीति निर्माण करबाक महत्वपर जोड़ देलैन । ओ कहलैन जे जलवायु परिवर्तनकेँ बेवास्ता कएलाक कारण विकाश निर्माण कार्य किछ ठाम विपत्तिकेँ जन्म दैत अइछ।  विपत्ति आ जलवायु परिवर्तनक जोखिमक आँकलन करैत नीति बनबाक चाही कहि मुख्यमन्त्री कार्की सुझाव देलैन । ओ ईहो कहलैन जे सड़क आ पुलसभ बनैत-बनैत ध्वस्त भ जेबाक वर्तमान स्थितिसँ बचबाक लेल मजबूत पूर्वाधार नीति आवश्यक अइछ।  मुख्यमन्त्री कार्की आगाँ जोड़लैन जे विपत्ति आ जलवायु परिवर्तनकेँ धीयानमे रखि पूर्वाधार नीति बेहतर बनाबयके कोनो विकल्प नै अइछ। पूर्वाधार नीति तर्जुमे गोष्ठीमे कोशी प्रदेश सरकारक मन्त्री, सचिव एवम् विभिन्न क्षेत्रक विशेषज्ञसभ भाग लेने छलाह।