काठमाण्डू, २ चैत:   नेपाल कम्युनिष्ट पार्टी (माओवादी केन्द्र) क अध्यक्ष पुष्पकमल दाहाल ‘प्रचण्ड’ आन्दोलनरत शिक्षकसभक मांग सरकार शीघ्र पूरा करबाक बातपर जोड़ देलैन अइछ।
विद्यालय शिक्षा विधेयक तत्काल पारित करबाक मांग ल आन्दोलन क रहल नेपाल शिक्षक महासंघक प्रतिनिधिमंडलसँ भेँट करैत, ओ कहलैन जे शिक्षकसभक जायज मागकेँ उपेक्षा करब उचित नै अइछ।  “अहाँ देखैत छी, जतेक संशोधन दर्ता भेल अइछ, ताहिमे कतेको एके प्रकृतिक छै। उपसमिति बनाक सेहो विधेयककेँ तत्काल पारित करबाक दिशामे अग्रसर भ सकैत छी,” विधेयक शीघ्र पारित करबाक बातपर जोड़ दैत ओ कहलैन, “मुख्य बात इच्छाशक्तिके अइछ।
सरकार शिक्षा आ शिक्षकसभक विषयकेँ प्राथमिकता देबाक चाही।”  अध्यक्ष दाहाल कहलैन जे शिक्षकसभक मांग आ समग्र शैक्षिक क्षेत्रकेँ एकटा समान दृष्टिकोण बनेबाक आवश्यकता अइछ। ओ सरकारसँ आग्रह कएलैन ।जे शिक्षा देशक समृद्धिके मुख्य आधार छी, ताहि कारण शिक्षकसभक मागकेँ गंभीरतासँ पूरा करबाक चाही। सङे, ओ ई प्रतिबद्धता व्यक्त कएलैन ।जे विधेयक पारित कराबामे माओवादी केन्द्रक विशेष भूमिका रहत।