देवदह (रुपन्देही), २९ कातिक: देशमे निर्वाचनक कोनो विकल्प नै रहल जनता समाजवादी पार्टी (जसपा), नेपालक अध्यक्ष उपेन्द्र यादव कहलैन अइछ। आइ अइ ठामक भैरहावामे पार्टीक लुम्बिनी प्रदेश समितिक पहिल अधिवेशनमे ओ निर्वाचनक लेल सरकारकेँ वातावरण बनेबाक चाहीँपर जोड़ देलैन।
अध्यक्ष यादव कहलैन जे वर्तमानमे सुरक्षाक वातावरणक बारेमे बहुत लोककेँ चिन्ता आ ध्यान छै, जाहिपर सरकारकेँ ध्यान देबाक चाहीँ। “ई सरकारक दायित्वे निर्वाचन करेबाक अइछ। जनताकेँ सुरक्षा देनिहार प्रहरी प्रशासन भयभीत रहल स्थितिमे एकर अन्त क निर्वाचनक वातावरण बनेबाक चाहीँ आ निर्वाचन हेबाक चाहीँ,” ओ कहलैन।
पूर्वउपप्रधानमन्त्री यादव कहलैन जे लोकतन्त्रमे जनताक प्रतिनिधि सरकारमे रहबाक चाहीँ आ जनसंख्याक आधारपर प्रतिनिधित्व आवश्यक अइछ । ओ पार्टी आ उम्मेदवारकेँ पैसा खर्च नै करए पड़य ताहि लेल निर्वाचन प्रणालीमे सुधार हेबाक चाहीँ आ संघीय संरचनाकेँ सुधारेबाक लेल प्रदेश सरकारकेँ अधिकारसम्पन्न बनेबाक चाहीँक धारणा राखलैन।
पार्टीक महासचिव राम कुमार शर्मे उत्पीडित समुदायकेँ भेटल अधिकारकेँ सुरक्षित क संविधान संशोधनक माध्यमसँ देशकेँ अग्रगमन दिस ल जेबापर जोड़ देलैन। (रासस)
