जनकपुर, १५ पुसः जनता समाजवादी पार्टी नेपालक अध्यक्ष उपेन्द्र यादव वर्तमान शासकीय प्रणालीके सुधार सङे महँग भेल निर्वाचन प्रणालीमे सुधार करबाक लेल संविधान संशोधन आवश्यक भेल बतौलैन अइछ ।
सोमदिन जनकपुरधाममे पार्टीके मधेश प्रदेश समितिद्वारा आयोजन कएल गेल जनप्रदर्शन तथा विरोध सभाके संवोधन करैत ओ वर्तमान अवस्थामे प्रदेशकेँ अधिकार सम्पन्न बनेबाक लेल प्रदेश अन्तर्गत प्रहरी आ प्रशासन भेनाइ जरुरी भेल बतौलैन ।
अइगला फागुन २१ गते होबए लागल प्रतिनिधि सभा चुनावक लेल पार्टी तैयारी सुरु क चुकल बतबैत ओ लोकतन्त्रमे कोनो लोकतान्त्रिक पार्टी चुनावसँ पाछु नै जा सकैय से उल्लेख केलैन ।
जेनजी पुस्ताद्वार उठाएल गेल कुशासनक अन्त्य तथा सुशासनक स्थापनाके लेल अखनके निर्वाचन तथा शासकीय प्रणालीसँ कठिन होबाक बतबैत ओ देशमे स्थिरता तथा सुशासनक लेल कार्यकारी राष्ट्रपतिके चुनावक लेल शासकीय प्रणालीमे सुधारक लेल संविधान संशोधन जरुरी भेल बतौलैन । (रासस)
