काठमाण्डू, १७ अखारः हरित जलवायु कोष (जिसिएफ) बोर्डके ४५म बैसार नेपालमे जलवायु उत्थानशीलताक लेल ८.५ मिलियन अमेरिकी डलर अनुदानके वित्तीय प्रस्ताव स्वीकृत केलक अइछ ।
बोर्ड ‘कर्णाली प्रदेशमे जीविकोपार्जनके अवसर तथा स्थानीय क्षमता अभिवृद्धिसँ वनमे निर्भर समुदायके जलवायु उत्थानशीलता निर्माण’ शीर्षकके उक्त वित्तीय प्रस्ताव बुधदिन स्वीकृत केलक अइछ ।
अइसँ नेपालके जलवायु वित्त यात्रामे दोसर महत्त्वपूर्ण उपलब्धि भेल अइछ । ई परियोजना राष्ट्रिय प्रकृति संरक्षण कोष (एनटिएनसी) जिसिएफके प्रत्यक्ष पहुँच प्राप्त निकायके रूपमे सरलीकृत स्वीकृति प्रक्रियाअन्तर्गत विकास केलक अइछ ।
कूल ९.२ मिलियन अमेरिकी डलर लगानी रहल अइ चाइर वर्षीय पहलमे जिसिएफसँ ८.५ मिलियन अमेरिकी डलर अनुदान समावेश अइछ । अइ परियोजना नेपालके जलवायु परिवर्तनप्रति सबसँ संवेदनशील प्रदेशसभमध्ये एक कर्णाली प्रदेशमे पारिस्थितिकीय प्रणालीके सहनशीलता, जलवायु–सहनशील जीविकोपार्जन तथा संस्थागत क्षमता सुदृढ करत ।
नाजुक पर्वतीय पारिस्थितिकीय प्रणाली, कठिन भूगोल, उच्च गरिबी दर तथा भुस्खलन, बाइढ़ आ लम्बा रौदी लगायत जलवायुजन्य विपदके बढ़ैत जोखिमसँ कर्णाली प्रदेश देशमे जलवायु परिवर्तन सबसँ संवेदनशील क्षेत्रमध्ये एक छी ।
उक्त परियोजना राष्ट्रिय, प्रादेशिक तथा स्थानीय संस्थासभ बीचके साझेदारीसँ कार्यान्वयन कएल जाएत। जिसिएफके मान्यताप्राप्त निकायके रूपमे रहल एनटिएनसी सहकार्यान्वयन निकायके भूमिका निर्वाह करत ।
एनटिएनसीके सदस्य–सचिव डा चिरञ्जीवीप्रसाद पोखरेल सरकारी निकाय तथा समुदायसँ सहकार्य करैत प्रकृतिमे आधारित दीर्घकालीन जलवायु उत्थानशीलता प्रदान करए लेल तथा अन्तर्राष्ट्रीय जलवायु वित्तमे काज करए उत्साहित रहल बतौलैन । (रासस)
