काठमाण्डू, २७ अगहनः फागुन २१ गते तय भेल प्रतिनिधिसभा सदस्य निर्वाचनके समानुपातिक प्रणालीदिस सहभागी राजनीतिक दलकेँ निर्वाचन आयोग चुनाव चिन्ह प्रदान केलक अइछ । आयोगद्वारा शुक्रदिन उक्त राजनीतिक दल दर्ता भेल आ चुनाव चिन्ह सेहाे उपलब्ध कराएल गेल अइछ ।
सहायक निर्वाचन अधिकृत यज्ञप्रसाद भट्टराईके अनुसार इएह अगहन २१, २२ आ २३ गते तीन दिनके समयभित्र समानुपातिक निर्वाचनमे भाग लेबाक लेल आवेदन देने छल ।
१०० दल आवेदन देलोपर दू वा दूसँ बेसी दल एकल चुनाव चिन्हमे देल आवेदन मध्ये कूल ९३ टा निर्वाचन चिन्ह कायम भेल हुनकर कहब छैन ।
आयोग २०७९ सालके प्रतिनिधिसभा सदस्यके निर्वाचनमे प्राप्त कएल समानुपातिक मतके आधारमे क्रमसङ्ख्या आ निर्वाचन चिन्ह प्रदान कएल गेल जनौलक अइछ । आनके हकमे दर्ताके आधारमे चिन्ह प्रदान केलक अइछ ।
आयोग पहिल नम्बरमे सूर्य, दोसरमे गाछी, तेसरमे पाँचकुने तारा, चारिममे घण्टी, पाँचममे हर, छाता, लाउड स्पिकर चुनाव चिन्ह निर्धारण केलक अइछ ।
तहिना, नेपाल सङ्घीय समाजवादी पार्टी, बहुजन एकता पार्टी नेपाल, नेपाल जनजागृति पार्टी एकल चुनाव चिन्ह बस प्राप्त केलक अइछ । राष्ट्रिय मुक्ति पार्टी नेपाल, जनता समाजवादी पार्टी आ नागरिक उन्मुक्ति पार्टी नेपाल एकल चिन्हके रूपमे चकिया (जताँ) चुनाव चिन्ह देल गेल अइछ । (रासस)
—
