सिरहा, ९ अखारः सिरहाक गोलबजार नगरपालिका–१३ स्थित दुर्गापुर डङ्गराहामे आइ भोर सिँचाइ लेल प्रयोग कएल गेल विद्युत् करेन्ट लागलासँ एक वृद्धक मृत्यु भ गेल अइछ।
स्थानीय ६२ वर्षीय रामपृत पण्डित अपने धानक खेतमे सिँचाइ करबाक क्रममे करेन्ट लागलासँ मृ गेल जानकारी वाडध्यक्ष नन्द कुमार महतो देलैन। हुनका अनुसार पण्डित भोर चाय पी क खेत गेल छल आ सिँचाइ सुरू करबाक क्रममे विद्युत्क तार उचित तरिकासँ नै जोडलासँ करेन्ट लागल प्रारम्भिक अनुमान अइछ।
इलाका प्रहरी कार्यालय, गोलबजारक प्रमुख प्रहरी निरीक्षक गोविन्द साहक अनुसार प्रहरी घटनास्थलपर मुचुल्का तैयार क रहल आ मृतकक शव उठेबाक प्रक्रिया चइल रहल अइछ।
वाडध्यक्ष महतो कहलैन जे वितल सालो ओइ गाममे सिँचाइ करबाक क्रममे करेन्ट लेल एक गोटे मरल छल। ओ कहलैन जे ग्रामीण क्षेत्रमे विद्युत् सुरक्षासँ जुड़ल जानकारीक अभाव अइछ, जाहि कारण पम्प चलाबैत वा मर्मत करैत समय सावधानी नै बरतल जाइछै, नङ्गा तार झापल नै जाइछै, आ ‘प्लग’ जमिनपर राखल जाइछ, जाहिसँ विशेष क बरसातके मौसममे अकाल मृत्युकेँ जोखिम बइढ़ जाइछै।
घटनाक बाद विद्युत् सुरक्षाप्रति चेतनामूलक कार्यक्रम चलेबाक आवश्यकता देखल गेल अइछ। स्थानीयवासीसभ सरोकारवाला निकायसँ एहि दिशामे तत्काल धीयान देबाक मांग कएल छैथ। रासस
