काठमाण्डू, १२ माघः निर्वाचन आयोगक कार्यवाहक प्रमुख निर्वाचन आयुक्त राम प्रसाद भण्डारी अगिला फाुगन २१ गते होएबला प्रतिनिधि सभा सदस्य निर्वाचनक लेल संचार माध्यमसभसँ आधिकारिक स्रोतकेँ मात्रे आधार माइन क समाचार एवं सूचना प्रवाह करबाक लेल आग्रह केलैन अइछ ।

सार्वजनिक सेवा प्रसारण नेपाल आइ आयोजन कएने ‘प्रतिनिधि सभा सदस्य निर्वाचन २०८२ आचारसंहिता अभिमुखीकरण’ विषयक कार्यक्रममे प्रमुख आयुक्त भण्डारी निर्वाचनक क्रममे भ्रामक समाचार फैलाबैबलासँ बचबाक लेल सुझाव देलैन । नागरिककेँ अखनके समयमे अत्यन्त सत्यतथ्य समाचार सामग्रीके अभाव भेलासँ विशेष क संचार माध्यमके आचारसंहिताके पालना करए आ करेबाक लेल भूमिका निर्वाह करबाक चाही से ओ धारणा व्यक्त केलैन ।

ओ कहलैन, “संचार माध्यमके सकभैर निर्वाचनक समाचार लिखैतकाल आधिकारिक स्रोतकेँ मात्रे आधार बनेबाक लेल अनुरोध करैत छी ।” डिटिल प्लेटर्फम कृत्रिम बुद्धिमता (एआई) जेहन एप्स प्रयोग क अखन सामाजिक संजालमे केकरो छविमे ठेस पहुँचैजँका श्रव्यदृश्य सामग्री भेटलासँ एकरा व्यवस्थापन करबाक लेल निर्वाचन आयोग मेटा, टिकटकलगायत सामाजिक संजालसँ सम्झौता करए लागल जानकारी देलैन ।

कार्यक्रममे आयोगक सचिव कृष्ण बहादुर राउत निर्वाचनक आचारसंहिता पालन करए आ करेबाक लेल निगरानी करबाक दायित्व संचार माध्यमके होबाक बतौलैन । विशेष क नेपाल टेलिभिजन, रेडियो नेपाल, राष्ट्रिय समाचार समिति (रासस) लगायतक सरकारी संचार माध्यम नागरिक समक्ष सत्य आ आधिकारिक समाचार सम्प्रेषणमे बेसी जिमेवार होबए पड़त से हुनक कहब छलैन । राससद्वारा संचार गृहअन्तर्गत आन्तरिक रुपमे निर्वाचन आचारसंहिता बनाएल गेल काजके प्रशंसा करैत ओ आन संचार गृहके सेहो एहन अभ्यास सुरु करबाक चाही से ओ बतौलैन ।

संचार तथा सूचनाप्रविधि मन्त्रालयके सचिव लक्ष्मी कुमारी बस्नेत आसन्न प्रतिनिधि सभा सदस्य निर्वाचनक क्रममे नागरिककेँ सही सूचना देबाक आ निर्वाचन सफल बनेबाक लेल सहयोग करबाक लेल संचारमाध्यमके महत्त्वपूर्ण भूमिका निर्वाह करबाक चाही से उल्लेख केलैन । सार्वजनिक सेवा प्रसारण नेपालक अध्यक्ष डा. महेन्द्र विष्ट संचारमाध्यमके निर्वाचन आचारसंहिता सङे पत्रकारक आचारसंहिताकेँ ध्यानमे राइख पत्रकारिता करबाक लेल सुझाव देलैन । संचारकर्मीके अपनेसँ आचारसंहिता पालन भेल अइछ की नै से जाँच करबाक चाही ओ धारणा व्यक्त केलैन । कोनो पार्टीके उम्मेदवार या विचार धाराके बात सामाजिक संजालमे राखबाक जेहन गतिविधि नै क निष्पक्ष ढङ्गसँ पत्रकारिताके धर्म निर्वाह करबापर ओ जोड़ देलैन ।

सार्वजनिक सेवा प्रसारण नेपाल देशभैरके अपन समाचारदाताकेँ भिडियो कलमार्फत निर्वाचन आचारसंहिताके बारेमे अभिमुखीकरण तालिम देलक अइछ । (रासस)