काठमाण्डू, १९ माघः प्रधानमन्त्री सुशीला कार्की राष्ट्रिय सभा बैसारकेँ आइ पहिल बेर सम्बोधन करैत निर्धारित समयमे स्वच्छ, निष्पक्ष आ भयमुक्त वातावरणमे प्रतिनिधि सभाके निर्वाचन होबाक विश्वास व्यक्त केलैन अइछ ।
इएह माघ ४ गतेसँ सुरु भेल सभाक १९म अधिवेशनअन्तर्गतके पाँचम बैसारमे प्रधानमन्त्री कार्की सम्बोधन करैत सरकारक प्राथमिकताके रूपमे भेल प्रतिनिधि सभा सदस्य निर्वाचनक तैयारी आ सुशासनक क्षेत्रमे भ रहल काजक बारेमे सदस्यसभकेँ जानकारी करौलैन । हम कोनो शासकीय आकांक्षासँ नै विषम परिस्थितिमे प्रधानमन्त्री भेलाक कारण निर्धारित समयमे प्रतिनिधि सभाके निर्वाचनसँ बनैबला नयाँ सरकारकेँ जिमेवारी हस्तान्तरण करबाक लेल तैयार रहल ओ स्पष्ट केलैन ।
बितल भादब २३ आ २४ गतेके जेनजी आन्दोलनक अवस्थामे गठित अन्तरिम सरकारक प्रधानमन्त्री कार्की किछ समय पहिने भेल राष्ट्रिय सभाके निर्वाचनमे निर्वाचित सदस्यसभकेँ बधाइ सेहो देलैन । प्रधानमन्त्री कार्की ‘विकास, आर्थिक मामिला तथा सुशासन’ समितिक सभापति कमला पन्तद्वारा प्रस्तुत ‘राष्ट्रिय सदाचार नीतिसम्बन्धी अध्ययन प्रतिवेदन, २०८२’ के परामर्शमे सदस्यसभद्वारा उठाएल गेल प्रश्नके जवाफ सेहो देलैन ।रासस
