काठमाण्डू, १८ फागुनः राष्ट्रपति रामचन्द्र पौडेल नेपालीसभक विशेष पाबैन फागुपूर्णिमासँ समाजमे आपसी सद्भाव कायम राखबाक लेल थप प्रेरणा प्रदान करत से कामना केलैन अइछ ।
होरी पाबैनके सुखद अवसरमे आइ शुभकामना सन्देश जारी करैत ओ स्वदेश तथा विदेशमे रहल सम्पूर्ण नेपालीमे सुख, शान्ति तथा समृद्धिके लेल मङ्गलमय शुभकामना व्यक्त केलैन । राष्ट्रपति पौडेलद्वारा जारी सन्देशमे कहल गेल अइछ, “होरी पाबैन समाजमे विद्यमान विभिन्न प्रकारक विकृति, विसङ्गति एवम् कुरीतिकेँ निर्मूल करैत मौलिक संस्कृतिके संरक्षण आ संवर्द्धन करए तथा समाजमे आपसी सद्भाव कायम राखबाक लेल थप प्रेरणा प्रदान करए से शुभकामना व्यक्त करैत छी ।”
असत्यपर सत्यके, अन्यायपर न्यायके, दूराचारपर सदाचारके आ अधर्मपर धर्मके विजय भेल खुसियालीमे मनाएल जाएबला होरी पाबैनमे वैरभाव परित्याग क प्रेमभाव आ आत्मीयतासँ आफन्तजन एवम् साथीभाइ सङे एक दोसरके अबिर तथा रंग लगाबैत सद्भाव प्रकट करबाक तथा मनोरञ्जन करएबला परम्परा रहल राष्ट्रपति पौडेलके कहब छैन ।
रंगसभक पाबैनक रुपमे प्रत्येक साल फागुपूर्णिमा पाबैन देशभैर वसन्त ऋतुके अनेक रंगसभकेँ प्रतिविम्बित करएबला पाबैनक रुपमे हर्षोल्लासपूर्वक मनाओल जाइत अइछ ।
होरीमे खेलएबला विविध रंगजका नेपाली समाज सेहो जातीय, भाषिक आ सांस्कृतिक रुपमे विविधतापूर्ण रहल आ ओएह विविधता बीचके एकता अपनासभक पहिचान आ सुन्दरता भेल राष्ट्रपति पौडेल उल्लेख केलैन । रासस
