वीरगञ्ज (पर्सा), १८ जेठः चालु आर्थिक वर्षके १० महिनामे वीरगञ्ज नाकासँ चाइर अरब दू करोड़ टकासँ बेसीके विद्युतीय सवारीसाधन आयात कएल गेल अइछ ।
बितल आर्थिक वर्षके १० महिनाके तुलनामे चालु आर्थिक वर्षमे मूल्यके आधारमे विद्युतीय सवारीसाधनके आयात दू अरब ३७ करोड़ टका अर्थात एक सओ ४३ दशमलव ६० प्रतिशतसँ वृद्धि भेल अइछ । वीरगञ्ज भंसार कार्यालयके सूचना अधिकारी उदयसिंह विष्ट वीरगञ्ज नाकासँ चालु आर्थिक वर्षमे १५ हजार २ सओ ७१ टा विभिन्न प्रकारक विद्युतीय सवारीसाधनके आयात कएल गेल आ ओइसँ प्राप्त हुअबला राजस्वमे उल्लेखनीय वृद्धि भेल बतौलैन ।
बितल आर्थिक वर्षके १० महिनामे अइ नाकासँ एक अरब ६५ करोड़ टका बराबरके नौ हजार ४२ टा विभिन्न विद्युतीय सवारीसाधन आयात कएल गेल छल । ओइ वापत ८१ करोड़ ४७ लाख टका राजस्व सङ्कलन भेल छल ।
चालु आर्थिक वर्षके १० महिनामे एक अरब ८७ करोड़ टका बराबरके ५१ किलोवाटसँ एक सओ किलोवाटधैरके ६ सओ ५७ टा विद्युतीय कार, जीप आ भ्यान आयात कएल गेल अइछ । ओइ वापत एक अरब १९ करोड़ टका राजस्व सङ्कलन भेल अइछ । बितल आर्थिक वर्षके १० महिनामे दू करोड़ छ लाख टका बराबरके छटा ५१ किलोवाटसँ एक सओ किलोवाट क्षमताके विद्युतीय जीप, कार आ भ्यानके आयात कएल गेल छल ।
तहिना, चालु आर्थिक वर्षके १० महिनामे एक अरब १७ करोड़ टका बराबरके आठ हजार ८ सओ ६७ टा विद्युतीय मोटरसाइकल तथा स्कुटर आयात कएल गेल अइछ । जइसँ ३८ करोड़ ५५ लाख टका राजस्व सङ्कलन भेल अइछ । बितल आर्थिक वर्षके ओइ अवधिमे करोड़ ९६ लाख टका बराबरके चाइर हजार ८ सओ ३४ टा विद्युतीय मोटरसाइकल आ स्कुटर आयात कएल गेल छल । ओइ सवारीसाधनके आयातसँ २० करोड़ १५ लाख टका राजस्व सङ्कलन भेल छल ।
अइ नाकासँ चालु आर्थिक वर्षके १० महिनामे ३१ अरब ३१ करोड़ टका बराबरके इन्धन आ विद्युतसँ चलैबला सवारीसाधन तथा पार्टपुर्जा आयात कएल गेल सूचना अधिकारी विष्ट जानकारी देलैन ।
बितल आर्थिक वर्षके १० महिनाके तुलनामे चालु आर्थिक वर्षके ओइ अवधिमे मूल्यके आधारमे सवारीसाधन आ पार्टपुर्जाके आयात नौ अरब ६५ करोड़ टका अर्थात ४४ दशमलव ५८ प्रतिशतसँ बढ़ल अइछ । चालु आर्थिक वर्षके १० महिनामे वीरगञ्ज नाकासँ एक अरब २५ करोड़ टका बराबरके छ सओ २८ टा जीप, कार आ भ्यानके आयात कएल गेल अइछ । ओइ वापत कार्यालय तीन अरब १७ करोड़ टका राजस्व सङ्कलन केलक अइछ । बितल आर्थिक वर्षके ओइ अवधिमे एक अरब ८१ करोड़ टका बराबरके आठ सओ ५५ टा जीप, कार आ भ्यानके आयात कएल गेल अइछ ।
तहिना, चालु आर्थिक वर्षके १० महिनामे सात अरब ३२ करोड़ टका बराबरके ५१ हजार ४ सओ २३ टा मोटरसाइकल (अन एसेम्बल्ड) आयात कएल गेल अइछ । ओइ वापत सात अरब नौ करोड़ टका राजस्व सङ्कलन भेल अइछ । बितल आर्थिक वर्षके ओइ अवधिमे पाँच अरब २१ करोड़ टका बराबरके अन एसेम्बल्ड मोटरसाइकल आयात कएल गेल छल । रासस
