काठमाण्डू, २५ माघः स्वास्थ्य तथा जनसङ्ख्या मन्त्रालय सर्लाहीके मङ्गलवा नगरपालिकामे लक्ष्यसँ बेसी बालबालिकाकेँ कोदवा दामस विरुद्धक खोप लगाओल गेल जनौलक अइछ । स्वास्थ्य सेवा विभाग बालस्वास्थ्य तथा खोप शाखा प्रमुख डा. अभियान गौतम मङ्गलवा–२, ३, ४, ८, ९ आ १० मे लक्ष्यसँ बेसी बालबालिकाकेँ खोप लगाएल गेल बतौलैन ।
हुनक कहब अनुसार उक्त स्थानमे करिब १० हजार ३२ गोटेकेँ कोदवा दामस विरुद्धके खोप लगाएल गेल अइछ । कोदवा दामस फैलल स्थानमे सात हजार ५ सओ १९ बालबालिकाकेँ खोप लगेबाक लक्ष्य छल । “हमरासभक अनुमानसँ बेसी बालबालिका ओइ वाडमे छल”, ओ कहलैन, “तइ, हमरासभक लक्ष्यसँ दू हजार ४ सओ ५२ गोटे बेसी बालबालिकाकेँ खोप लगाएल गेल छै ।”
कोदवा दामस सङ्क्रमण फैलल ओइ वाडमे छ महिनासँ १५ वर्षसँ कम उमेरक सब बालबालिकाकेँ कोदवा दामस विरुद्धक खोप लगाएल गेल अइछ । अखनधैर उक्त ठाममे सात गोटेमे कोदवा दामसक सङ्क्रमण पुष्टि भेल अइछ । “सात गोटेमे मात्रे कोदवा दामस पुष्टि भेलाक बादो सङ्क्रमण अन्य वाडमे सेहो फैल सकबाक जोखिमके ध्यानमे राइख प्रभावित वाडसँ सटल वाडमे सेहो खोप लगाएल गेल छै”, ओ कहलैन । बितल पुस २५ गते मलङ्गवा नगरपालिक–३ आ ४ मे कोदवा दामसक महामारी फैलल छल ।रासस
