काठमाण्डू, २५ भादबः नेपाली सेना सहित अन्य सुरक्षा निकायसभके परिचालन भेला बाद भादब २५ गते साँझ ६ बजेसँ आइ भोर ६ बजेधैर आओर १९२ गोटे कैदीकेँ नियन्त्रणमे लेल गेल अइछ।
नेपाली सेना आइ विज्ञप्ति मार्फत सप्तरीक राजविराज स्थित जिला कारागारसँ भागबाक प्रयास क रहल १९२ गोटे कैदीकेँ नियन्त्रणमे कएल गेल जानकारी देलक अइछ।
ओहिना, कञ्चनपुरक चाँदनीमे भारतीय सीमासुरक्षा बल भारत दिस जा रहल सात गोटे कैदीकेँ नियन्त्रणमे ल क सेनाकेँ सौंपल गेल अइछ। एक गोटे कैदीकेँ स्थानीयसभ नियन्त्रणमे ल क इलाका’ प्रहरी कार्यालयकेँ सौंपलक आ १२ गोटे कैदी अपनेसँ कारागारमे हाजिर भेल अइछ।
रामेछाप स्थित जिला कारागारमे कैदी बाहर जेबाक माँग करैत कएने झड़पकेँ नियन्त्रणमे लेबाक लेल सेनाक गोलीसँ १२ गोटे कैदी घायल भेल आ दू गोटेक मृत्यु भ गेल अइछ।
ओहिना, काभ्रेपलाञ्चोकक बनेपा–९ स्थित नयाँ बस्तीमे भेटल शङ्कास्पद वस्तुकेँ नेपाली सेना सुरक्षित रूपसँ डिस्पोज कएने अइछ। अखनधैर ९४ नाल विभिन्न हथियार बरामद भेल नेपाली सेना जनौने अइछ। रासस
