काठमाण्डू, १४ माघः राष्ट्रियसभाक आजुक बैसारमे सदस्यसभ अन्तरिम सरकारमे किछ मन्त्री चुनावी मैदानमे कुदल से टिप्पणी केलैन अइछ। बैसारमे विशेष समयमे सांसदसभ वर्तमान अन्तरिम सरकारक चाइर गोटे मन्त्री जिमेवारी छोइर क प्रतिनिधिसभा सदस्यके निर्वाचनमे उम्मेदवारी देलाक विषयमे असन्तुष्टि जनाैने अइछ ।
२३ आ २४ भादबमे भेल जेनजी आन्दोलनबाद पूर्वप्रधानन्यायाधीश सुशीला कार्कीके नेतृत्वमे बनल मन्त्रिपरिषद्के चाइर गोटे मन्त्री राजीनामा दैत निर्वाचनमे उम्मेदवार देने छैथ । अइसँ सरकारक नैतिकतापर प्रश्न सहो उइठ सकबाक कहैत असन्तुष्टि जनाैने अइछ ।
सांसद नारायणदत्त भट्ट नागरिक सरकार गठन भेलासँ विश्वासअनुसार कार्यसम्पादन करबाक चाही मुदा तेहन नै भ सकल कहलैन । नागरिक सरकारमे रइह क निर्वाचनमे उम्मेदवार बनब आपत्तिजनक भेल कहैत ओ सत्ताक लेल मात्रे राजनीति करैबला प्रवृत्तिके आलोचना केलैन ।
सांसद विष्णु कुमारी सापकोटा जेनजी आन्दोलनके शहिदसभके स्मरण करैत शान्तिसुरक्षामे सुरक्षा निकायके भूमिका आओर प्रभावकारी बनेबाक चाही बतौलैन। निर्वाचन घोषणा भेलाक बाद नैतिक जिमेवारीसँ भागैत मन्त्रीसभ राजीनामा द क चुनावी मैदानमे जाएब अनुचित भेल हुनकर कहब छैन ।
सांसद सुमित्रा बिसी छ महिनामे चुनाव करेबाक प्रतिबद्धतासहित आएल सरकारकेँ बीचेमे जिमेवारी छोड़ब गैरजिमेवारी भेल बतौलैन । ओ मन्त्रीसभ सम्पत्ति विवरण सार्वजनिक नै कएल विषयमे सेहो सरकारक ध्यानाकर्षण करेलैथ ।
सांसद श्रीकृष्णप्रसाद अधिकारी अगिला निर्वाचनकेँ निष्पक्ष आ शान्तिपूर्ण बनाबए सरकारसँ आग्रह केलैन । ओ सरकार राष्ट्रिय गौरवके आयोजनाके बजेट रोक्का नै करबाक लेल विचार व्यक्त केलैन । ओ संसद् विघटनके बादो सभा सञ्चालनके लेल पहल कएलासँ सभाध्यक्षप्रति आभार सेहो व्यक्त केलैन । (रासस)
