काठमाण्डू, २९ पुसः नेपाली कांग्रेसक विशेष महाधिवेशन पक्षधरके आह्वानमे इएह पुस २७ गतेसँ सुरु भेल विशेष महाधिवशेनसँ गठन कएल गेल निर्वाचन समिति नयाँ नेतृत्व चयनक लेल कार्यतालिका सार्वजनिक केलक अइछ ।
विशेष महाधिवेशनके सोमदिनसँ भृकुटीमण्डपमे जारी बन्द सत्रसँ आइ गठन कएल गेल निर्वाचन समिति सूचनामार्फत नेतृत्व चयनक लेल निर्वाचन कार्यतालिका सार्वजनिक केलक अइछ । निर्वाचन समितिके संयोजक वरिष्ठ अधिवक्ता सीताराम केसीके कहब अनुसार केन्द्रीय नेतृत्व निर्वाचनक लेल आइ राति ९ बजेसँ १ बजेधैर मतदानक समय निर्धारण कएल गेल अइछ ।
सार्वजनिक कार्यतालिकामे दुपहर १२ः३० बजे मतदाता नामावली प्रकाशन करबाक आ मतदाता नामावलीपर दाबी विरोध आ छानविन १ः३० बजेधैरके लेल निर्धारण कएल गेल छल । तहिना, अन्तिम नामावली प्रकाशन दुपहर २ बजे, उम्मेदवार मनोनयन दर्ता २ बजेसँ ३ बजेधैर आ उम्मेदवारक नामावली प्रकाशन दुपहर ४ः३० बजे होबाक कार्यतालिकामे उल्लेख अइछ ।
तहिना, उम्मेदवारीपर दाबी विरोध साँझ ४ः३० बजेसँ ५ बजेधैर, उम्मेदवारीपर दाबी विरोध छानविन साँझ ५ बजेसँ ५ः३० बजेधैर, उम्मेदवारी मनोनयन फिर्ता ५ः३० बजेसँ ७ः३० बजेधैर आ उम्मेदवारीके अन्तिम नामावली प्रकाशन ८ः४५ बजेके लेल निर्धारण कएल गेल सूचनामे उल्लेख अइछ । (रासस)
