काठमाण्डू, २४ पुसः निर्वाचन आयोग आगामी माघ ११ गते होएबला राष्ट्रिय सभा सदस्य निर्वाचनक लेल बुधदिन भेल उम्मेदवारी मनोनयनके सूची सार्वजनिक केलक अइछ ।

सार्वजनिक सूचीअनुसार १९ पदमे होएबला निर्वाचनक लेल प्रदेशगत रुपमे विभिन्न दलके ४४ गाेटे उम्मेदवार आवेदन देने आयोगक प्रवक्ता नारायण प्रसाद भट्टराईद्वारा जारी विज्ञप्तिमे उल्लेख अइछ । उम्मेदवारीपर आइ उजुरी देबाक समय अइछ, तँ इएह पुस २५ आ २६ गते उजुरीपर जाँचबुझ क नामावली प्रकाशन करबाक, २७ गते उम्मेदवारी फिर्ता ल सकबाक आ २८ गते उम्मेदवारकेँ निर्वाचन चिन्ह प्रदान करबाक कार्यतालिका अइछ ।

उक्त निर्वाचनमे प्रदेश सभा सदस्य, गाउँपालिकाक अध्यक्ष आ उपाध्यक्ष तथा नगरपालिकाक प्रमुख आ उपप्रमुख मतदाता होबाक कानुनी व्यवस्था अइछ । ओएहबमोजिम प्रदेश सभा सदस्य ५ सओ ४५ आ गाउँपालिकाके अध्यक्ष आ उपाध्यक्ष तथा नगरपालिकाके प्रमुख आ उपप्रमुख एक हजार ४ सओ ९८ सहित दू हजार ४३ प्रारम्भिक मतदाता नामावली स्वीकृत भेल मतदातामध्ये प्रदेश सभाक सदस्यके मतभार ५३ आ गाउँपालिकाके अध्यक्ष आ उपाध्यक्ष तथा नगरपालिकाक प्रमुख आ उपप्रमुखके मतभार १९ अइछ ।

उम्मेदवारी मनोनयनके सूची आयोगक वेबसाइट https://election.gov.np/admin/public//storage/National%20Assembly/NA%202082/2082-09-23%20Press%20Release.pdf मे देखबाक व्यवस्था कएल गेल आयोग जनौलक अइछ ।
(रासस)